Рэспубліканская прафілактычная акцыя "Дом без гвалту"

Дата: 12 апреля 2020 в 15:03, Обновлено 17 апреля 2020 в 19:26

Автор: Верчанка Т. І.

384 просмотра

З 13 па 24 красавіка ў Рэспубліцы пройдзе прафілактычная акцыя "Дом без гвалту". Мэта акцыі - уцягванне шырокіх слаёў насельніцтва ў аказанне дапамогі і садзейнічанне дзяржаўным органам у вырашэнні праблем бытавога гвалту і сямейнага дабрабыту.

Хатні гвалт адбываецца за зачыненымі дзвярыма, але ён, несумненна, з'яўляецца праблемай усяго грамадства. Гвалт у сям'і — найбольш распаўсюджаная форма гвалту ў дачыненні да жанчын. Паводле даследаванняў, праведзеных у шэрагу краін Сусветнай арганізацыяй аховы здароўя, да 70% жанчын хоць бы раз у жыцці падвяргаліся фізічнаму гвалту з боку свайго інтымнага партнёра або мужа. Многія жанчыны здзяйсняюць грубую памылку, калі пасля першага або другога сямейнага скандалу, які завяршыўся рукапрыкладствам з боку мужа-агрэсара, не надаюць гэтаму асаблівага значэння і не звяртаюцца па дапамогу да спецыялістаў. Памятаеце: у 95% выпадкаў, калі гвалт ужо меў месца, ён паўторыцца.

Гвалт у любой форме праявы непрымальны для грамадства. Дзе ёсць гвалт у сям'і - няма сям'і. Просім вас задумацца: а ці правільна жывяце вы?

Памятаеце: свет без гвалту пачынаецца ў вашым доме! Зробім яго бяспечным разам!

Калі вам вядома пра факты гвалту ў сям'і, вы з'яўляецеся ахвярай такога гвалту, мы гатовыя аказаць дапамогу кожнаму.

Патэлефанаваўшы па тэлефоне "гарачай лініі" 8-801-100-88-01 (з 8.00 да 20.00), вы можаце атрымаць юрыдычную кансультацыю (з 8.00 да 13.00) і псіхалагічную дапамогу (з 13.00 да 20.00).

КУДЫ ВЫ МОЖАЦЕ ЗВЯРНУЦЦА ЗА ДАПАМОГАЙ,

КАЛІ ВЫ ПАКУТУЕЦЕ АД ХАТНЯГА ГВАЛТУ?

ДУ "Лідскі раённы тэрытарыяльны цэнтр сацыяльнага абслугоўвання насельніцтва" (далей цэнтр) паведамляе, што спецыялістамі цэнтра забяспечваецца аказанне сацыяльна-псіхалагічных паслуг грамадзянам, якія пацярпелі ад хатняга гвалту.
Псіхалагічнае кансультаванне забяспечваецца пры вочным звароце па адрасе:
Варшаўская, 9,
а таксама па тэлефоне "сацыяльнага даверу" - 61-10-12.

У выпадку неабходнасці атрымання грамадзянамі, пацярпелымі ад хатняга гвалту, экстранай псіхалагічнай дапамогі ў непрацоўны час (да 22.00), у тым ліку ў выходныя дні, можна звяртацца па наступных тэлефонах;
студзень, сакавік, май, ліпень, верасень, лістапад 2019 года –
+375 29 2684272;
люты, красавік, чэрвень, жнівень, кастрычнік, снежань 2019 года –
+375 29 1203862.

Дадаткова паведамляем, што пацярпелыя ад хатняга гвалту могуць атрымаць паслугу часовага прытулку.

Тэлефон 61-10-12 або + 375 29 2684272.