Вучэбная эвакуацыя
Жыццё поўнае нечаканасцяў, і важна навучыць дзіця захоўваць спакой у складаных сітуацыях, знаходзіць выхады з яе. Адной з галоўных задач дашкольнай адукацыйнай установы з'яўляецца забеспячэнне бяспекі ўсіх удзельнікаў адукацыйнага працэсу.
Сёння у дзіцячым садзе прайшла вучэбная трэніровачная эвакуацыя па адпрацоўцы навыкаў дзеянняў у надзвычайных сітуацыях сярод супрацоўнікаў і выхаванцаў УДА.
Дзякуючы граматным дзеянням і выразным інструкцыям супрацоўнікаў дзіцячага саду дзеці былі паспяхова эвакуіраваны з «палаючага» будынка і пастроены ў месцы збору.
Пажарныя вучэнні і мадэляванне гульнявых сітуацый па прадухіленні НС і бяспечнай эвакуацыі з памяшкання праводзяцца рэгулярна. Мэта гэтых мерапрыемстваў - каб нават самыя маленькія выхаванцы не баяліся, а дакладна ведалі і пры гэтым паслухмяна, дысцыплінавана, ды яшчэ і хутка выконвалі ўсё тое, што ім кажа педагог.
