"Маляванне кветкамі і травінкамі"
Фларыстыка як сродак развіцця творчых здольнасцей, самастойнасці і ініцыятывы ў дзяцей
Нашы выхаванцы старшых груп з цікавасцю і задавальненнем займаюцца складаннем букетаў і дэкаратыўных кампазіцый з кветак і прыродных матэрыялаў.
Фларыстыка, як від дэкаратыўна-прыкладнога мастацтва, выкарыстоўвае і жывыя, і засушаныя кветкі і расліны. Інакш кажучы, фларыстыка - мастацкае палатно "напісанае" травой, лісцем, кветкамі. Разнастайнасць прыродных дароў дае дзецям велізарныя магчымасці. Вось ужо ёсць, дзе разгуляцца фантазіі. Адна з галоўных задач фларыстыкі - паказаць, якія прыгожыя самыя звычайныя расліны і які яркі і выразны свет можна стварыць з прыроднага матэрыялу, якому мы даем другое жыццё.
На занятках фларыстыкай развіваюцца любоў да прыроды, творчае мысленне, пачуццё кампазіцыі, навыкі колераўспрымання і колераперадачы, пачуццё мастацкага стылю.
