Музычныя забавы "Залатая восень"
На гэтым тыдні ў дзіцячым садку праводзяцца музычныя забавы прысвечаныя "Залатой восені"
Восень, восень залатая
Сее радасць на зямлі,
Хмарка ў сінім небе тае,
Мкнуць у вырай жураўлі.
Ніткай срэбнай павуцінне
Ў косах сонейка блішчыць.
Што за цуднае зіхценне!
Што за ціш вакол стаіць!
Традыцыйна ў нашым дзіцячым садку праводзяцца забавы, прысвечаныя гэтай цудоўнай пары года - восені. Хоць і кажуць, што восень – маркотная пара, але дзеці, як ніхто іншы, здольныя радавацца залацістаму апаламу лісцю пад нагамі і дожджыку, пад якім так цікава пагуляць пад парасонам.
Дзеці чытаюць вершы, спяваюць песні, танцуюць, гуляюць. У госці да іх прыхадзяць казачныя персанажы. З вялікім задавальненнем дзеці выконваюць заданні, прапанаваныя галоўнай гераіняй - Восенню. Свята "Залатая восень" у нашай установе з'яўляецца адным з самых любімых у выхаванцаў!
