"Бяспечны Новы год"
1 снежня 2020 года ў Рэспубліцы стартавала акцыя МНС "Бяспечны Новы год", мэта якой – папярэджанне пажараў і няшчасных выпадкаў у выніку выкарыстання піратэхнічных вырабаў.
З 1 па 31 снежня праходзіць рэспубліканская акцыя "Бяспечны Новы год", накіраваная на папярэджанне пажараў і няшчасных выпадкаў у выніку парушэння правілаў пажарнай бяспекі пры падрыхтоўцы да святаў і неасцярожнага абыходжання з піратэхнічнымі вырабамі.
Напярэдадні навагодніх свят ратавальнікі разгорнуты маштабную акцыю, каб у чарговы раз нагадаць аб правілах бяспекі і папярэдзіць пажары і няшчасныя выпадкі ў выніку выкарыстання піратэхнічных вырабаў.
З 7 па 11 снежня работнікі МНС наведаюць цэнтры сацыяльнага абслугоўвання і санаторыі. Для ўдзельнікаў мерапрыемства правядуць забаўляльна-інфармацыйныя праграмы, якія ўключаюць у сябе інтэрактыўныя гутаркі, конкурсы і віктарыны.
З 14 па 18 снежня падобныя мерапрыемствы пройдуць у агульнаадукацыйных установах, інтэрнатах і дамах сямейнага тыпу.
З 21 па 24 снежня - у месцах рэалізацыі піратэхнічных вырабаў, а таксама на катках і Лядовым палацы.
Фінальныя мерапрыемствы акцыі пройдуць з 28 па 31 снежня. Віншаванні ад ратавальнікаў і заклік выконваць правілы пажарнай бяспекі можна будзе пачуць у месцах з масавым знаходжаннем людзей.
