04.02.2016 адбылося паседжанне клуба "Спадчына"
04.02.2016 адбылося паседжанне клуба "Спадчына" па тэме "Выхаванне ў дашкольнікаў нацыянальнай самасвядомасці праз выкарыстанне патэнцыяла беларускіх народных гульняў" для выхавальнікаў устаноў дашкольнай адукацыі раёна. Педагогі здзейснілі прагляд спецыяльна арганізованай дзейнасці з выхаванцамі старшай групы "Свята цацкі ў дзіцячым садзе", фальклорнага свята з выхаванцамі старшай групы "Калядкі".
Таксама адбылося наведванне груп установы дашкольнай адукацыі, выстаў "Беларуская лялька", "Беларуская гульня".
Выхавальнік установы дашкольнай адукацыі старэйшай групы, Альпяровіч А.П. падзялілася вопытам работы па далучэнню выхаванцаў да беларускай нацыянальнай культуры сродкамі народных гульняў у розных відах дзейнасці.
Увазе педагогаў была прадстаўлена кансультацыя-візуалізацыя кіраўніка клуба "Спадчына", Кузьміч К.Ч. "Беларускія народныя гульні як сродак фарміравання нацыянальнай самасвядомасці ў дзяцей дашкольнага ўзросту". Таксама была арганізавана работа ў мікрагрупах. Заключнай часткай стала педагагічная рэфлексія паводле беларускай народнай гульні "Гарлачык".
