Студзень стараецца апраўдаць сваё імя і радуе марознымі днямі. Зімовая прагулка.
Зноў мароз за акном чаруе:
Бы каралы кусты і дрэвы.
Ледзь прыкметныя цені… Пануе
У гэтай казцы зіма-каралева.
Наступу зімы з нецярпеннем чакаюць усе – дзеці, падлеткі і дарослыя. Чысты белы снег ўносіць вялікую разнастайнасць у дзіцячыя забавы. Канькі, лыжы і катанне на санках - толькі невялікая частка зімовай праграмы. Вялікая колькасць цікавых гульняў і заняткаў дазваляе пашырыць вольны час дзяцей падчас прагулак. Падчас прагулкі дзеці атрымліваюць зарад бадзёрасці і добры настрой, да таго ж сумесная дзейнасць развівае сацыяльныя навыкі і выхоўвае дружалюбнасць, пачуццё адказнасці. Дзецям цікава на свежым паветры, калі яны занятыя. Нуда прыходзіць тады, калі дзеці застаюцца без справы. Разнастайнасць гульняў, назіранняў, практыкаванняў, праца, эксперыментаванне захаплюць дзяцей. Спазнаўшы радасць і задавальненне ад прапанаванай ім дзейнасці, яны ідуць з прагулкі з жаданнем працягнуць яе.
