Заняткі з настаўнікам-дэфектолагам
У спецыяльнай групе для дзяцей з цяжкімі парушэннямі мовы штодзённа праводзяцца карэкцыйныя заняткі з настаўнікам-дэфектолагам, на якіх вядзецца крапатлівая работа па пераадоленню гукавымаўленчых парушэнняў, развіццю звязнай мовы, фанематычнага слыху, граматычнага ладу маўлення, папаўненню і актывізацыі слоўнікавага запасу.
Вялікая ўвага надаецца
фарміраванню правільнага дыхання, развіццю памяці, мыслення, увагі, а таксама дробнай маторыкі пальцаў дзяцей. На занятках прадугледжваецца частая змена відаў дзейнасці, выкарыстоўваюцца разнастайныя дыдактычныя і развіваючыя гульні. Найбольш цікавымі гульнямі для дзяцей з’яўляюцца “Што параблытаў мастак?“, “Чый хвост, чые лапы?”, “Ляціць, едзе, плыве”, “Хто дзе жыве?”, “Што спачатку, а што потым?”, “Чароўныя шнурочкі“.
