“Чароўныя пераўтварэнні”
Ва ўстанове дашкольнай адукацыі адбыўся конкурс касцюмаў з непрыдатнага матэрыялу “Чароўныя пераўтварэнні”.
Выхаванцы прадэманстравалі касцюмы, зробленыя з палімерных і папяровых адходаў, а таксама расказалі пра тое, што садзейнічае забруджванню нашай планеты і як беражліва ставіцца да прыроды. Сумесна з музычным кіраўніком Жэлудзевіч Інэсай Баляславаўнай дзеці з задавальненнем удзельнічалі ў дэфіле і творча прадставілі касцюмы “Ліпеньская гербера”, “Папяровая фея”, “Вясёлая пчала Жу-жу”, “Летняя фантазія”, “Фіялачка”, танцавалі захапляльны танец “Васількі і рамонкі”, спявалі песні “Каляровы луг”, “Вясёлка”, гулялі ў музычную гульню “Музычная скарбонка”, вадзілі харавод “Чароўная кветка”.
Асаблівую падзяку аб'яўляем бацькам за дапамогу ў падрыхтоўцы касцюмаў, за творчы падыход, знаходку і кемлівасць!
