Да ўвагі бацькоў. Навіны Ліды.
Плаўны ўздым захворвання кавідам адзначаецца на Лідчыне.
Сёння на лячэнні ў цэнтральнай раённай бальніцы знаходзіцца 221 чалавек з пнеўманіяй, з іх 70% - жыхары Ліды і Лідскага раёна, астатнія - Воранаўскага, Іўеўскага і Навагрудскага. Нагадаем: з другой паловы лютага бальніца ў Лідзе працуе як міжраённы спецыялізаваны цэнтр кавіднага профілю. Кіраўніцтва медустановы канстатуе: сярод пацыентаў з каронавіруснай пнеўманіяй, у якіх захворванне працякае ў цяжкай форме альбо якія знаходзяцца ў аддзяленні анестэзіялогіі і рэанімацыі, прышчэпленых супраць COVID-19 няма. Медыкі просяць усвядоміць, што сёння самы эфектыўны спосаб абароны ад інфекцыі-вакцынацыя, а таксама яны просяць не забываць аб правілах прафілактыкі інфекцыі: насіць маскі, апрацоўваць рукі антысептыкам і выконваць сацыяльнае дыстанцыяванне.
