Праект “Храм цудоўнага свету дзіцяці- народны фальклор”
Праект “Храм цудоўнага свету дзіцяці- народны фальклор”
Мэтай праекта з’яўляецца далучэнне дзяцей да беларускай нацыянальнай культуры сродкамі вуснай народнай творчасці.
Рэалізацыя праекта праходзіла паэтапна. Падрыхтоўчы этап уключаў у сабе падборку неабходнага матэрыялу, развучванне твораў беларускага дзіцячага фальклору, наведванне Лідскага гісторыка-мастацкага музея, Раеннага цэнтра раместваў і традыцыйнай культуры “Спадчына”, гутаркі па змесце забаўлянак, калыханак, казак, чытанне твораў вуснай народнай творчасці, выраб кніжак-малышак “Беларускі дзіцячы фальклор”, выраб розных відаў тэатраў .
На асноўным этапе драматызавалі з дзецьмі літаратурныя творы, пераказвалі казкі, апавяданні, чыталі на памяць вершы, спявалі калыханкі, расказвалі забаўлянкі па мадэлях-схемах. Былі арганізаваны экскурсіі дзяцей ў этнаграфічны пакой установы дашкольнай адукацыі. Выхаванцы маей групы прынялі ўдзел у народных святах “Калядкі”, “Масленіца”, “Вялікдзень”.
У ходзе рэалізацыі праекта ў дзяцей сфарміраваліся ўяўленні пра фальклорныя літаратурныя творы розных жанраў. Выхаванцы ўжо самастойна прыдумваюць казкі, загадкі, забаўлянкі. Павысілася пазнавальная актыўнасць дзяцей да вывучэння беларускіх традыцый, духоўных каштоўнасцей беларускага народа.
