Экскурсія ў этнаграфічны пакой дашкольнай установы
Далучэнне дзяцей дашкольнага ўзросту да беларускіх традыцый праз азнаямленне з народнай цацкай сродкамі мастацкай дзейнасці з’яўляецца адной з гадавых задач нашай дашкольнай установы.
Сваю плённую працу па далучэнню дзяцей да беларускіх традыцый пачынаем ужо змалку. Як вядома, што гульня з’яўляецца асноўным відам дзейнасці дзяцей дашкольнага ўзросту. Праз гульню дзіця знаёміцца з акаляючым асяроддзем, правіламі паводзін і інш. Цацка – асноўны кампанент гульні. І так важна падабраць тыя цацкі, якія б станоўча ўплывалі на дзіця, пашыралі яго веды, былі карысныя ў дзейнасці. Беларуская цацка якраз авалодвае ўсімі гэтымі якасцямі: яна бяспечная ў гульні, простая і зразумелая дзецям, нясе адбітак гісторыі і культуры нашай краіны.
У нашай установе дашкольнай адукацыі рэгулярна праводзяцца экскурсіі ў этнаграфічны пакой дашкольнай установы, дзе дзеці могуць не толькі дасканальна разгледзець, але і патрымаць, пагуляць з беларускімі народнымі цацкамі.
Беларуская народная цацка павінна займаць асаблівае месца ў нашым жыці і жыцці нашых дзяцей, будучых грамадзян нашай краіны.
Фотаальбом "Экскурсія ў этнаграфічны пакой дашкольнай установы"
