Масленку сустракалі ды аладкай частавалі!
Вясёлая музыка гучала ў мінулы панядзелак на пляцоўцы каля нашага сада. Гэта выхаванцы разам з дарослымі сабраліся, каб развітацца з зімой і сустрэць вясну.
Гучныя крычалкі, вясёлыя прыпеўкі, загадкі, конкурсы — усё спрыяла добраму настрою. Не забыліся і пра традыцыйныя забавы, а найбольш моцныя паспрабавалі сябе ў перацягванні каната. Не абышлося свята і без спальвання саламянай лялькі Зімы, у гонар якой удзельнікі завялі вясёлы карагод. А яркае полымя яшчэ раз нагадала, што пара сыходзіць халадам.
Музычныя кіраўнікі Жэлудзевіч Інэса Баляславаўна і Шэшка Сняжана Генрыхаўна пастараліся, каб усе прысутныя атрымалі не толькі добры настрой, але і пачаставаліся гарачымі блінамі. Круглыя, румяныя, яны сімвалізуюць доўгачаканае цяпло і нагадваюць сонца, нібы перадаюць частку яго моцы, набліжаюць вясну.
Хто не трапіў на наша свята, не сумуйце, так як тэлевізійную версію можна прагледзець на Ліда ТВ ужо ў бліжэйшую суботу 17 лютага ў перадачы "Для маленькай кампаніі" ў 19.00, 21.00.
Фотасправаздачу можна прагледзець тут.
