Юбілей дзіцячага сада.
Наш дзіцячы сад адзначыў свой саракагадовы юбілей.
За гэтыя гады ён пабачыў нямала. Дзеці раслі, развіваліся, вучыліся маляваць, спяваць песні, танцаваць, гуляць, сябраваць. Дзіцячы сад развітваўся з імі, прымаў новых дзяцей і жыццё працягвалася. Ішоў час. І вось ужо былыя выпускнікі прыводзяць сваіх дзяцей у дзіцячы сад, у той самы, у які калісьці хадзілі яны самі.
На ўрачыстае мерапрыемства былі запрошаны людзі, якія ўнеслі істотны ўклад у выхаванне падрастаючага пакалення. Гэта ветэраны, якія адпрацавалі ў дзіцячым садзе немалую колькасць гадоў. Прыйшлі павіншаваць "юбіляра" самыя галоўныя ўдзельнікі гэтага свята - нашы дзеці.
Насычаная канцэртная праграма, віншаванні, узнагароды - час прайшоў незаўважна. Прыемна было бачыць згуртаваны і дружны калектыў, дзе пануе разуменне, бязмежная адданасць сваёй справе і любоў да дзяцей.
Адміністрацыя дзяржаўнай установы адукацыі "Яслі-сад № 24 г. Ліда" выказвае падзяку ўсім супрацоўнікам, ветэранам, бацькам і шчыра віншуе ўсіх са святам!
Фотасправздачу можна прагледзець тут.
<iframe allow="autoplay; encrypted-media" allowfullscreen="" frameborder="0" height="411" src="https://www.youtube.com/embed/GTIJ9CPAoi8" width="731"></iframe>
