Служба 101 паведамляе
За тры месяцы 2019 года ў Лідскім раёне адбылося 32 пажары.
Служба 101 паведамляе
У прошлым годзе на тэрыторыі нашай вобласці зарэгістравана 119 прыродных пажары на агульнай плошчы 30 гектараў, у тым ліку лясныя пажары, загаранне кустарнікаў і сухой расліннасці.
Паважаныя грамадзяне! Ні ў якім выпадку не паліце траву. Не пакідайце агонь без нагляду. Калі трава толькі пачынае гарэць, то яе можна патушыць збіваючы полымя галінкамі або засыпаць край пажару пяском. Калі самастойна пагасіць полымя складана, паведаміце пра здарэнне па тэлефоне 101 або 112 і хутчэй пакіньце месца пажару.
У адпаведнасці з арт. 15.57 Кодэкса Рэспублікі Беларусь аб адміністрацыйных правапарушэннях за выпальванне сухой расліннасці, траў на корані, а таксама іржышча і пажніўных рэшткаў на палях альбо непрыняцце мер па ліквідацыі выпальванняў — прадугледжана накладанне штрафу ад 10 да 40 базавых велічынь, а арт. 15.58 за распальванне вогнішчаў у забароненых месцах прадугледжана папярэджанне або накладанне штрафу да 12 базавых велічынь. Таксама заканадаўствам за падобныя парушэнні прадугледжана і крымінальная адказнасць.
Распальванне вогнішчаў дазволена пры выкананні шэрагу ўмоў-акапаць месца, назапасіцца вёдрамі з вадой або вогнетушыцелямі, рыдлёўкамі, а таксама ўлічыць сілу ветру. Да будынкаў павінна быць не менш за 10 метраў, да лесу – 20 метраў, да скірд сена або саломы-30 метраў. Пастаянна назірайце за вогнішчам.
За інфармацыяй звяртайцеся ў раённы аддзел па надзвычайных сітуацыях па тэлефонах
101 або 112
Гродзенскае абласное ўпраўленне Міністэрства па надзвычайных сітуацыях
