Падведзены вынікі акцыі “Падары птушкам дом!”
За самыя арыгінальныя птушыныя домікі падораны прыемныя падарункі.
У нашай установе дашкольнай адукацыі падведзены вынікі акцыі “Падары птушкам дом!” Бацькам і дзецям было прапанавана прыняць удзел у птушыных клопатах і дапамагчы шпакам пабудаваць для іх утульныя домікі - шпакоўні. У якім захапленні былі нашы дзеці, калі з гонарам прыносілі ў дзіцячы садок "птушыныя домікі", зробленыя сумесна з клапатлівымі рукамі бацькоў. Усе шпакоўні былі размешчаны на тэрыторыі дзіцячага сада. Вельмі хочацца верыць, што нашы шпакоўні спадабаюцца птушкам, і яны хутка заселяцца ў свае новыя кватэры і будуць нас радаваць сваім дзівосным спевам не адзін дзень.
Выказваем падзяку бацькам за актыўны ўдзел у конкурсе, фантазію і добрае сэрца!
За самыя арыгінальныя птушыныя домікі будзе падораны сертыфікат (на Ваш выбар: на 50% зніжку аплаты святкавання Дня нараджэння ў дзіцячым садзе або 4 заняткі адукацыйнай паслугі на платнай аснове).
Віншуем пераможцаў:
Жынко Андрэя Леанідавіча і Ганну Віктараўну,
Арлоўскага Уладзіміра Юр’евіча і Вольгу Раманаўну,
Праўдзіцкага Максіма Пятровіча і Жанну Францаўну,
Галавача Антона Іванавіча і Таццяну Іванаўну,
Озем Віталія Мечыслававіча і Таццяну Генрыхаўну,
Стэцкага Віталія Тадэвушавіча і Вольгу Яўгенаўну,
Лапата Юрыя Феліксавіча і Алесю Віктараўну.
