Навошта патрэбныя святлоадбівальнікі на вопратцы?
Насіць на вопратцы святлоадбівальныя элементы - гэта неабходнасць цяперашняга часу, бо транспарту на дарогах стала ў шмат разоў больш, а заўважыць у цёмны час сутак пешахода на дарозе кіроўцу практычна немагчыма.
Многія вадзіцелі сутыкаліся з сітуацыяй, калі на цёмнай дарозе людзі з'яўляюцца з «ніадкуль». Нават калі ехаць вельмі акуратна, не перавышаючы дазволеную хуткасць, можна прычыніць шкоду чалавеку, бо машына і на хуткасці 20 км/г застаецца жалезам.
Нават на адлегласці ў некалькі дзесяткаў метраў невялікі святловяртальны элемент акрэсліць прысутнасць чалавека.
Парады па ўжыванні святлоадбівальнікаў – флікераў.
- Старайцеся купляць верхнюю вопратку са святлоадбівальнымі элементамі. Боты, шапачка, куртка, камбінезон, - пажадана, каб «палоскі» або пластыкавыя ўстаўкі былі на кожным прадмеце верхняга адзення. Калі такіх элементаў на вопратцы няма, то можна наклеіць з дапамогай праса аплікацыі, вырабленыя з адмысловага святлоадбівальнага матэрыялу. Перавага такога спосабу - іх немагчыма зняць ці страціць.
- Святлоадбівальнікі бываюць здымнымі і няздымнымі. Прымацоўваць гэты аксэсуар можна па-рознаму: на зашпільку маланкі, прывязваць шнурком да рамяню, або прышпільваць шпількай да курткі. У ідэале здымныя і няздымныя святлаадбівальнікі трэба спалучаць. Палоскі на вопратцы - гэта няздымныя святлаадбівальнікі. Дапоўнім іх падвескамі на шнурках, або надзенем на запясце маляняці бранзалет на ліпучцы або бранзалет са спружынкамі, наклейкі.
- Па сцвярджэнні спецыялістаў, найлепшае месца, дзе неабходна размясціць святлоадбівальнік - гэта грудзі і сцягно, але часцей людзі аддаюць перавагу прымацоўваць святлоадбівальнікі на руку, свае партфелі або сумачкі. Самы аптымальны варыянт, калі на пешаходзе знаходзіцца як мінімум 4 святлоадбавальнікі.
- Святлоадбівальнікаў шмат не бывае: чым больш іх на дзіцяці, тым лепш. Навошта так шмат? Таму што аварыйна-небяспечнымі ўчасткамі з'яўляюцца скрыжаванні, двухбаковае размяшчэнне, святлоадбівальнікі робяць вас прыкметным для кіроўцаў, якія рухаюцца ў той і другі бакі.
- Святлаадбівальнікі можна прымацоўваць таксама на розныя транспартныя сродкі - калыскі, санкі, ровары і скейтборды. Тут дзейнічае той жа правіла, што і пры «экіпіроўцы» святлоадбіўнымі элементамі адзення: аксэсуар павінен быць бачны з усіх бакоў. Калі карыстаецеся клеючымі стужкамі, то абляпіць неабходна ўсё паверхні - бакі і «спінку» санак, раму і багажнік ровара. Ролікі таксама трэба забяспечыць «светлякамі», наляпіўшы палоскі на палазы.
Вадзіцель заўважае дзіця са святлоадбавальнікамі на вопратцы ці рукзаку са значна большай адлегласці (да 400м!), чым пешаходаў без іх. а значыць, вышэй шанцы, што трагедыі не здарыцца.
